Amazon flex se paise kaise kamaye ?

amazon flex se paise kaise kamaye

Amazon flex se paise kaise kamaye :- Dosto aaj hum baat karenge amazon flex se paise kaise kamaye. ji haan dosto aapne sahi suna ab aap amazon se paise kama sakte hai. amazon flex ek amazon ka hi program hai ya fir yu kahu ki amazon flex ek app hai, jiski madad se aap paise kama sakte hai. to chahiye jante hai ki amazon flex se paise kaise kamaye ?

Amazon Flex Kya Hai :- dosto sabse pehle hum baat kar lete hai ki amazon flex kya hai. or fir hum baat karnege ki Amazon flex se paise kaise kamaye. amazon ne product delivery ke liye ek naya tarika nikala hai jisse logo ko naukari bhi milegi. or sath hi logo ka products time par unke pass pahuch jayega.

Amazon Flex, amazon ka hi program hai. amazon flex ka kaam product delivery service dena hai. amazon flex logo ko part time job karne ka moka de raha hai. jaha par log amazon ke product deliver karke kuch extra paise kama sakte hai.  amazon flex ki sabse achi baat ye hai ki log part time ke liye join kar sakta hai.

Amazon Flex mai time ki koi sima nahi hai. aap kudh decide kar sakte hai ki aap kitne ghante ki job karna chahte hai. yani ki agar aap part time se earning karne ki soch rahe hai to aap amazon flex join kar sakte hai. or fir aap kis samay free hai or kitne ghante ke liye free hai wo decide karke logo ko products deliver kar sakte hai.

Agar aap kahi office ya fir company mai 9 se 5 ki job karte hai . or sham ko free rahte hai. or aap ek extra income source dhund rahe hai to amazon aapke liye bahut hi badiya hai. aap sham ko 4 ghante ki part time job karke bhi acha khasa paisa kama sakte hai.

Amazon ke bare mai to aap sabhi jante honge. amazon ek bahut badi online shopping website hai. jaha par croro products sale hote hai. inki delivery ke liye amazon ko delivery boy bhi chahiye. to isi liye amazon ne ye naya program nikal hai amazon flex ke naam se.

Amazon flex other country mai to bahut pehle se chal raha hai. amazon flex ki shuruwaat sabse pehle 2015 mai America mai hue thi. or ab ye amazon flex service india mai bhi aa gaye hai. abhi india mai sirf Delhi, Bangalore, Mumbai mai shuru hue hai. fir dhere-dhere other state mai bhi amazon flex service start ho jayegi.

Amazon flex shuru karna ka ek hi reason hai ki logo ko unke kharide hue products ki delivery time par dena. or ye baat sahi bhi hai ki delivery ke mamle mai amazon best hai. or isse logo ko part time job dekar unki bhi help kar raha hai. Amazon flex per hour 120-140 rs tak pay karta hai.

Amazon Flex में किस तरह की डिलीवरी देनी करनी पड़ती है.
Jaise hi aap jante hai ki Amazon par har tarah ka saman milta hai. aapko deliver ke liye chta mota hi saman diya jayega. jisko aap easily carry karke rakh sake or logo tak pahucha sake. jaise mobile, shoes, kitchen item, etc. aise bahut se chote chote products hai jo aapko delivery ke liye diye jayenge.

Amazon flex se paise kaise kamaye ?

Ab aapko karna kya hai wo main aapko batata hu. sabse pehle aapko amazon flex ke liye sign up karna ho. jab aapk sign-up karenge to aapka naam or phone number amazon flex par register ho jayega or fir aapki earning shuru.  aap aapne aap pass ka area select kar lena products delivery ke liye.

Fir aap hour select kar lena ki aap daily kitne hour kaam kar sakte hai. inhi hour mai aapko products pick karna hoga or product ko customer tak pahuchana bhi hoga. or din ke last mai aapko jama kiya cash or bache hue delivery products amazon store mai jana karne honge.

Amazon Flex Join Karne ke Liye Kya Kya Hona Chahiye.
Dosto agar aap bhi amazon flex part time work karke paise kamana chahte hai to aapke pass bahut acha moka hai. ab hum baat karte hai ki agar koi amazon flex join karna chahta hai to uske liye kin kin documents ki jarurt padegi. or kya kya pass hona chahiye. niche maine sare detail de hai dhyan se padh le.
Amazon Flex join karne ke liye aapke pass Bank account hona chahiye.
Amazon Flex join karne ke liye aapki age kam se kam 18 saal hone chahiye.
Amazon Flex jion karne ke liye aap par koi criminal case nahi hona chahiye.
Amazon Flex join karne ke liye aapke pass Adhara card ,pan card hona jaruri hai.
Amazon Flex join karne ke liye aapke pass driving licence, RC, or PUC jarur hona chahiye.
Amazon Flex join karne ke liye aapke pass 2 wheeler, 3 wheeler ya 4 wheeler hona chahiye.
Amazon Flex join karne ke liye aapke pass 1 smart phone jarur hona chahiye jisme camera with flash, gps support , data connectivity or ek active sim card hona chahiye.

Amazon Flex Join Kaise Kare.

Ab itna to samajh gaye honge ki amazon flex kya hai ? or amazon flex se paise kaise kamaye. ab main aapko batata hu ki amazon flex join kaise kare. amazon flex account kaise banaye. amazon flex app download kaise kare. amazon flex join karna bahut hi asan hai. sabse pehle aap flex.amazon.in par click kare. aapke samne site open ho jayegi jaise ki aap niche image mai dekh sakte hai. Amazon flex se paise kaise kamaye ?

Ab yaha par aapko apni kuch jankari fill karni hai. taki aapka Amazon flex account create kiya ja sake.
First Name :- Yaha par aapke apna naam likhna hai. (jaise sonu, monu , seeta, geeta)
Last Name :- Apko apna surname likhna hai.( jaise kumar, sharma, verma, gupta)
Town/City :- aap kis  city mai rahte hai.
Pin Code :- apke area ka pin code likhe.
Mobile Number :- apna active mobile number likhe.
Email Id :- apni email id likhe. (email id wahi dale jo active ho jis par aap ke pass emails aate ho)
Type Of Vehicle :- yaha par select kare ki aap kis type ka vehicle se delivery karnge .  jaise 2 wheeler, 3 wheeler ya 4 wheeler or fir GET THE APP par click kar de. Ab aapke smartphone par amazon flex ki tarah se ek link aayega. us par click karke aap amazon flex app download kar le.

Jab app download ho jaye to aap ko login kare. agar aapka amazon account bana hua hai to ussi se login kar le warna naya account bana kar login kar le. fir aapke kuch jankri mangi jayegi  wo jankari sahi sahi fill kar de. ye sirf verification purpose ke liye kiya jata hai.

Amazon  Flex App Use Kaise Kare.

Yaha tak to sab samjh aa gaya hoga. ab bari aati hai ki amazon flex account banane ke baad is app ko use kaise kare. account banane ke baad aap is aap main timing select kar le ki aap kis timing mai delivery karna pasand karnege. or Area select kar le ki aap kis area mai delivery dena pasand karnge . fir ussi timing mai aapko products delivery karne ki detail aati rahengi.

Amazon Flex Earning Kab or Kaise milegi. 

Amazon flex se kamaye gaye paise har Wednesday ko aapke bank account mai bhej diye jayenge. yani ki aapko har week payment milte rahegi. amazon ek trusted site hai to paise fraud ka bhi koi tension nahi hai.  amazon flex app se aap ye bhi check kar sakte hai. ki aapne aap kitne paise kamaye or kal kitne paise kamaye the

Dosto ye tha hamara aaj ka article Amazon flex se paise kaise kamaye . main ummed karta hu ki aap samjh gaye honge. agar aapko amazon flex ko lekar kuch dout hai jaise :- amazon flex kya hai, amazon flex join kaise kare, amazon flex se paise kaise kamaye, amazon flex app use kaise kare to niche comment karke puch sakte hai.

About the author

Neeraj Sharma

हेलो दोस्तो, मेरा नाम नीरज शर्मा है। मैं नारनौल (हरियाणा) से हूँ। मैं इंटरनेट बहुत ज्यादा use करता हु। ओर नेट पर जो भी पढ़ता हूं वो दोस्तो के साथ शेयर करता था। फिर मैंने कुछ टाइम पहले ब्लॉग के बारे में पढ़ा और तब मुझे फील हुआ कि मुझे भी ब्लॉग बना कर जरूरी जानकारी सबके साथ शेयर करनी चाहिए ।

Leave a Comment